بدل ساعات الانتظار.. انجز معاملاتك البنكية في 5 دقايق مجانا

كتير من المواطنين من عملاء البنوك بيحاولو ينجزوا معاملاتهم مِنْ خِلَالِ التطبيقات أَوْ أبليكشنز الموبايل، لكن أحيانا الموضوع بيتطلب انك تزور فرع البنك عشان تخلص شوية إجراءات.

فمثلا لو حضرتك هتاخد قرض أَوْ عايز تنهي إجراءات فتح الحساب البنكي المجاني، أَوْ تخلص خدمة فِي أقل وقت ممكن وتستفيد من رقمنة الخدمات البنكية المجانية، فلازم تنجز نفسك بسرعة، فمافيش قدامك غير انك توظف التكنولوجيا لصالحك وتخش عَلَى موقع البنك الخاص بك، تشوف الخدمة اللي انت عايزاها وشروطها والورق المطلوب لَهَا وتحجز عَلَيْهَا فورا عَنْ طَرِيقِ موقع البنك أَوْ الأبليكيشن.

عشان كده، البنوك المصرية بتسعى لِتَوْسِيعِ قاعدة عملائها، وبتحاول تجذب متعاملين جدد عَنْ طَرِيقِ تسهيل أَوْ تبسيط الإجراءات عشان ماتهدرش وقتك.

وَلَكِن، بدل ساعات الانتظار، هنقولك ازاي تنجز معاملاتك البنكية فِي 5 دقايق مجانا، واللي أولها عَنْ طَرِيقِ الحجز”أونلاين”، يَعْنِي لو ناوي تعمل خدمة فِي البنك احجز علبها أونلاين، قبل مَا تروح، عشان تسهل حصولك عَلَى الخدمة اللي انت عايزاها، زي مثلا فتح حساب أَوْ غيرها، عشان ماتضيعش وقتك فِي الانتظار وتخفف الضغط وقوائم الانتظار، وَعَلَى فكرة الخدمة دي مجانية بالكامل.

وَمِنْ مميزات خدمات الحجز الأونلاين، تَوْفِير الوقت والجهد عِنْدَ زيارة أي فرع من شبكة فروع أكبر البنوك الحكومية، فالأول هتسجل الخدمة اللي انت عايزاها عَلَى موقع البنك الخاص بك، بعد كده هتستلم رسالة الحجز أونلاين عَلَى موبايلك أَوْ عم طريق تطبيقات الهاتف البنكية، بعد كده لازم تروح لفرع البنك فِي الموعد المحدد دَاخِل الرسالة عشان تتجنب إلغاء الحجز المسبق.

ثاني حاجة، عِنْدَ زيارة الفرع، لازم العميل يتوجه لموظف الاستقبال برقم الشباك المحدد، وعند ادخال رقم المحمول اللي تمَّ الحجز مِنْ خِلَالِهِ عبر ماكينة الحجز المسبق بالبنك، هيتم تَأْكِيد مَوعِد الحجز أونلاين عَلَى السيستم العام للبنك.

كمان، خِلَالَ 5 دقائق هيتم استدعاء العميل حامل الرقم اللي تمَّ حجزه مسبقا، عشان ينهي الخدمة اللي بتوجه للفرع فِي أقل وقت، سَوَاء الاستفادة من خدمات بالبنك أَوْ الاستعلام عَنْ إجراء أَوْ منتجات.

رابع حاجة، إن فِي حالة التأخير عَنْ الموعد المحدد مِنْ خِلَالِ خدمة الحجز أونلاين، فمسموح بس بتأخير بيتروح مَا بَيْنَ 10 و15 دقيقة، وَبعْدَ كده هيتم إلغاء الموعد وهيتطلب من العميل طلب مَوعِد جديد أَوْ دخول رول انتظار الحجز بالحضور فِي الفرع نفسه، وهنا البنوك بتنصح باتباع تعليماتها المرفقة مَعَ الحجز الاونلاين عشان توفر عَلَى العميل وقته وجهده، وكمان ماتهدرش وقت المُوَظَّفِينَ.

فلو عايز تنجز نفسك وماتضيعش وقتك، فمفيش قدامك غير انك تحجز أونلاين.

عَنْ الموقع